يا خين العشق ليش الغدر

دريت وإلا عساك اليـوم مـا تـدري
خلاص قلبي علـى النسيـان أقنعتـه

خلاص صبري وقف حده معك صبـري
خلاص وصلك بقبـر الحلـم شيعتـه

خلاص حبك مسحته من بحر شعـري
خلاص همـي مـع النسيـان ودعتـه

أمن أول القلب في ليل الهوى يسـري
وإن هب شوق الوصل لديارك أدفعتـه

وامن أول الشوق من فوقي إلى حدري
عشان وصلك كثيـر الشـوق جمعتـه

ما هبت حكم القدر لو خاننـي قـدري
ما طعت راعي الحكي فيك أنت ما طعته

ساومت نظرة عيونك والثمـن عمـري
إليـن حتـى قصيـدي فيـك طوعتـه

ومن عقب هذا غدرت بعشقي العـذري
يا خاين العشق ليـه الغـدر طاوعتـه

لا ما هقيتك تلخبـط بالهـوى أمـري
اللي شرى القرب منك يالغضـى بعتـه

عن نيتك ليتنـي دريـت مـن بـدري
لا شك أشـواق قلبـي فيـك ضيعتـه

خلاص بنساك يا أول من سكن صدري
ياللي مرار الصبـر لجلـك تجرعتـه

مسكينه يا ساحرع كل هذا الحزن بقلبك مشكوره علي الكلمات الجميله وتقبلي مروري